នាព្រឹកថ្ងៃសៅរ៍ ទី៣ ខែឧសភា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភានៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបញ្ចុះសពឯកឧត្តម មួង ប៉យ សមាជិកព្រឹទ្ធសភាប្រចាំភូមិភាគទី៨ និងជាសមាជិកគណៈកម្មការទី៤ព្រឹទ្ធសភា នៅលើភ្នំស្វាយ ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី ដោយមានការអញ្ជើញចូលរួមពីសមាជិក សមាជិកាព្រឹទ្ធសភា រដ្ឋសភា រាជរដ្ឋាភិបាល ទីប្រឹក្សារបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាអតីតក្រុមសមាជិកព្រឹទ្ធសភាប្រចាំភូមិភាគទី៨ និងអាជ្ញាធររដ្ឋបាលខេត្តរតនគិរី ព្រមទាំងបងប្អូនសាច់ញាតិជិតឆ្ងាយផងដែរ។ គួររម្លឹកដែរថា ឯកឧត្តម មួង ប៉យ បានទទួលមរណភាព កាលពីថ្ងៃសៅរ៍ ទី២៦ ខែមេសា ឆ្នាំ២០២៥ វេលាម៉ោង០៨:៣០នាទីព្រឹក ក្នុងជន្មាយុ៧៤ឆ្នាំ ដោយរោគាពាធ។ សពឯកឧត្តម មួង ប៉យ ត្រូវបានប្រារព្ធពិធីបុណ្យតាមប្រព្រៃណីសាសនាអស់រយៈពេល៧ថ្ងៃកន្លងទៅនេះ។
ប្រភព៖ នាយកដ្ឋានព័ត៌មាន
